Մասնակիցներ — 2-4 տարեկաններ
Դաստիարակներ — Էմմա Տերտերյան, Սոնա Ավետիսյան
Կավագործ — Թերեզա Թումանյան
Ժամանակ — ապրիլ
Խնդիր — Կավի հետ աշխատանքը կբացահայտի երեխաների վառ երևակայությունը։
Նպատակ — Զարգացնել մանր մոտորիկան, խմբով աշխատելու ունակություն, կավի հետ շփում։
Նկարագրություն — Ինչո՞ւ են բոլոր երեխաները սիրում աշխատել բնական կավով: Կավը հիանալի հնարավորություն է տալիս արտահայտել սեփական պատկերացումը շրջապատի մասին՝ տարածական ճկուն պատկերների միջոցով։ Կավը գեղարվեստական ստեղծագործության ամենաշոշափելի տեսակն է։ Երեխան ոչ միայն տեսնում է այն, ինչ ստեղծել է, այլ նաև այն շոշափում է, վերցնում ձեռքը և, անհրաժեշտության դեպքում, ենթարկում փոփոխությունների։ Կավի գլխավոր գործիքը ձեռքերն են հետևաբար՝ կավով աշխատանքի հմտությունները սեփական ձեռքերին տիրապետելու մեջ է, այլ ոչ թե վրձնով, մատիտով կամ համապատասխան գործիքներով։ Այս տեսանկյունից կավով աշխատանքը կարելի է համարել ամենաբնականն ու ամենահասանելին ինքնաճանաչման, ինքնաբացահայտման, ինքնավերլուծության և մի շարք խնդիրների բացահայտման և լուծման համար։ Կավից կարելի է պատրաստել բազմաթիվ կերպարներ, ամեն անգամ հայտնաբերել նոր տարբերակներ ու հնարավորություններ՝ նույնիսկ առանց մասնագետի կամ ծնողի միջամտության։ Ամենակարևորն ու արժեքավորն այն է, որ կավը, այլ ստեղծագործական աշխատանքների հետ համեմատած, զարգացնում է երեխայի էսթետիկ հոգեվիճակը։ Փոքրիկը սովորում է տեսնել, զգալ ու ստեղծել գեղեցիկը։
Արդյունք —
Ֆլորա Աճեմյան 