▪︎Ընտրել խաղերից մեկը և կազմակերպել ընկերների հետ։
Առեղծվածների արկղ
Անհրաժեշտ նյութեր’ միջին չափսի արկղ, քարերի, կաղինի, խխունջների,
փետուրների կամ երկրաչափական մարմինների’ խորանարդի, բուրգի, գնդի,
կոնի կամ այլ զույգեր:
Առարկայի զույգից մեկը դնել արկղի մեջ, իսկ մյուսը սեղանի վրա: Երեխան ձեռքը մտցնում է արկղի մեջ և շոշափելով գուշակում, թե սեղանի
առարկաներից որի զույգն է ինքն արկղում բռնել: Ապա նայելով սեղանի
վրայի նույն առարկային’ պետք է նկարագրի արկղի միջի առարկայի կառուցվածքը: Այդ ընթացքում պետք է երեխային հարցնել առարկան փափուկ է, թե
կոշտ, խորդուբորդ է, թե հարթ, սառը, թե տաք, գնդաձև է, թե ոչ… Հետո հանում է առարկան և դնում զույգի կողքին:
Խաղ 2
Ով ում շորն է հագել
Երեխաները նստում են շրջանաձև և ուշադիր նայում են միմյանց հագուստներին: Փորձում են հիշել, թե ով ինչ է հագել: Երեխաներից մեկը դուրս
է գալիս սենյակից: Երկու մասնակից իրար հետ փոխում են հագուստները:
Հետո կանչում են դրսում գտնվողին: Նա պետք է որոշի, թե ով ում հագուստն
է հագել :
Հետագայում խաղը զարգացնում են. հագուստները կփոխեն երեք, չորս
մասնակից:
•Ընտրել մի շուտասելուկ, սովորել և սովորեցնել ընկերներին։
Մուկը մատը մատին կտա,
Տան կարասը պատին կտա:
▪︎Ընտրել մի քանի հանելուկ, սովորել և սովորեցնել ընկերներին։
Կլոր եմ,
Գնդակ չեմ,
Կարմաթուշ եմ, դեղձ չեմ,
Քաղցր եմ, մեղր չեմ։
Խնձոր
Թև ու ոտք նա չունի,
Կենդանի է ջրերի։
Ձուկ
▪︎Ընտրել մի քանի օրհնանք, սովորել և սովորեցնել ընկերներին։
Աստծո աջը գլխիցդ անպակաս լինի
Կյանքդ ջրի նման երկար լինի
Յոթ որդով սեղան նստեք
Ոտքդ քարին չդիպչի
Ֆլորա Աճեմյան 